გოგოების სათამაშო კარტი

ზუსტად ასეთი კარტების გამო ასაღებს ბევრი ბიჭი თავს, როგორც გეის – დაქალების წრეში შეძრომისა და ინფორმაციის მოპოვებისთვის 🙂
კარტები კი შემდეგნაირია:

1. Truth – სიმართლის კარტი. კლასიკური და გასაგები კარტი – თუ მაგას ამოიღებ მაშინ კითხულობ კარტზე არსებულ კითხვას და სცემ მართალ, პატიოსან პასუხს. თუ ისეთი კითხვაა რომ პასუხის გაცემას შოტის გადაკვრა გირჩევნია, გადაკარი.
2. Dare – მოქმედება. იღებ კარტს, კითხულობ იმ მოქმედებას რაც ზედ წერია და გიწევს შესრულება 🙂 თუ ისეთი მოქმედებაა რომ მაგის გაკეთებას შოტის გადაკვრა გირჩევნია, გადაკარი.
3. Snitch – ჩათვალე ჯოკერი ამოგივიდა. ვისაც გინდა ირჩევ და ეკითხები – სიმართლე თუ მოქმედება. ამ დროს უკვე კლასიკური სიმართლე თუ მოქმედების სცენარით, რასაც გინდა იმას ეკითხები ან რასაც გინდა იმ მოქმედებას ავალებ. თუ შენი მსხვერპლი ვერ შეასრულებს შენს ნათქვამს, მაშინ სვავს.
4. Never Have I Ever – მე არასდროს. კითხულობ რაც კარტზეა მოცემული და ვისაც გიქნიათ ის რაც კარტზე წერია, ყველა სვავთ.
5. რომელი გირჩევნია? (Would You Rather) – ეს მარტივი საპასუხოა. პირობითად რომელი გირჩევნია, threesome ბიჭთან და გოგოსთან თუ threesome 2 ბიჭთან?
6. მინიშნება – ესეც მარტივია. მაგალითად – რას ფიქრობ, აქ მყოფ გოგოებს შორის ვის ჰქონია სექსი ყველაზე მეტ ბიჭთან?

ნებისმიერ დროს, ნებისმიერი კითხვა თუ მოქმედება თუ ზედმეტად რთული/არაკომფორტული იქნება, მაშინ არსებობს გამოსავალი – შოტი! 🙂
კარტების ამოღების პრინციპი შემდეგია: წრეში ზიხართ და კარტებს იღებთ ერთმანეთის მიყოლებით, რიგ-რიგობით. საათის ისრის მიმართულებით თუ საწინააღმდეგოდ მაგას მნიშვნელობა არ აქვს, მთავარია რომ რიგითობის პრინციპი გქონდეთ ერთმანეთის მიყოლებით.